Turmush — Ысык-Атада каттоодон өтпөй калган социалдык объектилер боюнча комиссия иш алып барып жатат. Бул тууралуу аймактык кабарчыга райондук мамлекеттик администрациясынан билдиришти.
Маалыматка караганда, Ысык-Ата райондук мамлекеттик администрациясынын башчысы Эркеайым Сейтказиеванын буйругу менен 2025-жылдын 7-апрелинде №126-буйругу кабыл алынып, анын негизинде район аймагында жайгашкан муниципалдык менчикке өткөрүп алуу, өткөрүп берүү боюнча социалдык объектилер боюнча жумушчу комиссиянын атайын курамы түзүлүп, каттоодон өтпөй калган социалдык объектилер боюнча жеринде чыгуу менен иш алынып барылууда.
Бүгүнкү күндө 5 айыл аймагы (Узун-Кыр, Жайылма, Жээк, Нурманбет, Ысык-Ата) боюнча комиссия тарабынан жеринде каралып чыкты. Калган айыл аймактарга чыгуу иштери жүргүзүлөт жана бул иштин алкагында мамлекеттик мекемелерге тапшырмалар берилүүдө. Жыйынтыгы боюнча толук жеринде чыгып такталган соң комиссиянын кароосуна киргизилип, тийиштүү чечимдер кабыл алынат.
- Аталган айыл аймактардан мектеп, бала бакча, маданият үйү, спорт зал, китепкана, фельдшердик-акушердик пункттун (ФАП) катталбай калган имараттары аныкталды.
